曾幾何時我聽過埃及民間有一句出名嘅諺語：「人類懼怕時間，時間懼怕金字塔。」
係世界古代七大奇蹟入面，金字塔比起其他奇蹟早兩千幾年出現，卻係唯一一個無被時間摧毀，而且至今仍然屹立不倒。
所以有人話，金字塔係人類嘅文明史入面永恆嘅象徵！
我自己由細到大，聽得最多關於金字塔既就係佢好似謎一般嘅神秘感～
就算現代科學家做左幾多研究探索都好，至今都仲未有一個好確實嘅結論知道四千幾年前，係無任何現代化工具嘅情況下，古埃及人係點樣起出個建築難度咁高嘅金字塔呢？
金字塔聽就聽得多，甚至乎打機都會見過，但真實近睇嘅金字塔同埋內籠又會係點嘅呢？
就等我地一齊開展旅程～感受一下呢個探究古埃及人文明智慧之旅～
由開羅機場出發，坐上大巴出去市區。
由機場出去市區途中，發覺市區上面都有唔少墳墓園。
市區第一景點：
大城堡Citadel of Salah Al-Din
大城堡全名係薩拉丁大城堡區，位於開羅市區的高點。
據說大城堡區入面除了有三座清真寺之外仲有博物館，但由於時間關係，我地剩係參觀左其中一座清真寺。
買門票去～
呢度遊客量真係好多，仲有最唔習慣嘅一樣野就係周圍嘅人都會對自己投奇異目光，畢竟亞洲人係當地算係稀有品種吧，哈哈！
仲有好多小朋友都想同我地影相合照～不過與此同時都要留意隨身物品呀！
可愛嘅小朋友們。
清真寺嘅外殿後面，可以見到一座維修梗嘅鐘樓。
聽聞鐘樓係同法國換返來嘅，而埃及嘅方尖碑而家就放梗係巴黎嘅協和廣場。
導遊話呢個鐘樓一到埃及無幾耐就壞左，仲開玩笑話鐘樓水土不服，但實際上聽落似係諷刺政府換左份壞禮物返黎。
市區第二景點：
穆罕默德阿里清真寺
入清真寺前記住要除鞋呀！
裡面嘅裝修相當富麗堂煌！
但唯一一樣大剎風情嘅就係…裡面嘅地墊傳出陣陣嘅腳臭味，硬係覺得有啲唔舒服…
由於大城堡係開羅市區嘅高點，所以外面平台可以俯瞰成個開羅市
完成市區旅程之後，我地就正式踏上金字塔之旅！前往吉薩途中，我地一路見到金字塔都目不轉晴咁望住～
覺得由細到大嘅古埃及文明終於要係我面前出現啦！
我地嘅午餐～
吉薩金字塔區
終於真係黎到金字塔區啦，好興奮！！
金字塔區門票
一落車就刮起一陣大風，時不時仲會吹起風沙，所以建議大家戴返太陽眼鏡，保護眼晴～
古夫金字塔
除左好大好唔真實，現場嘅震撼程度已經令我不能用文字形容…
遠睇金字塔貌似好尖咁，但近睇就會發覺係一個個大石頭堆疊埋一齊嘅龐然建築物
就算遠睇同近睇，不得不讚嘆古埃及人嘅文明智慧同埋毅力
唔少人都會爬上去打個靚卡～
現場都可以騎駱駝～
卡夫拉金字塔
一眼望見三個金字塔，腦海入面不斷係度想像古埃及人建金字塔嘅情況會係幾咁誇張…
有唔少旅客都會選擇騎駱駝～不過我比較驚騎上去，所以最後都只係睇人地騎。
當日嘅沙塵暴都幾嚴重，企係度都覺得飛沙打落身上好吉好痛。所以前往金字塔區參觀一定要做好保護措施！
可愛嘅駱駝
準備起行去下一個金字塔嚕～
孟卡拉金字塔
我地係度買左門票入去金字塔參觀
其實開放得比遊客睇嘅金字塔入面好多都係空無一物，只係有個係金字塔入面行走嘅體驗。入面有好多木板斜坡，有啲地方需要彎腰低頭行過，行得耐嘅話都幾攰吓～
獅身人面像
據說至少早係公元前2500年就已經有記載獅身人面像嘅出現。真係想像唔到咁耐之前嘅人係點樣起呢個建築物…
呢度有好多檔賣服邊紀念品，所賣嘅野都幾精緻特別，唯獨係望多幾眼現場小販會不斷同你開價，比較煩擾。
由細到大都覺得阿努比斯像好神聖好靚，所以入手左一隻！
出返市區都仲見到金字塔嘅蹤影
市區街上除左有車，仲有駱駝隊，真係好奇妙！
晚飯就食左中菜
當晚就入住左間可以見到金字塔燈光表演嘅酒店，相當特別！
#寫出你遊歷 #hutchgo資助旅費1000蚊
