array(33) { ["SERVER_SOFTWARE"]=> string(22) "Apache/2.2.15 (Oracle)" ["REQUEST_URI"]=> string(162) "/zh-hk/blog/6%E6%9C%88%E4%B9%8B%E5%8C%97%E6%B5%B7%E9%81%93%EF%B8%B0%E6%98%9F%E9%87%8E%E6%9C%AD%E5%B9%8C%E6%97%AD%E5%B7%9D%E5%B0%8F%E6%A8%BD/?lang=zh-tw&lang=zh-tw" ["REDIRECT_STATUS"]=> string(3) "200" ["HTTP_CONNECTION"]=> string(10) "Keep-Alive" ["HTTP_ACCEPT"]=> string(63) "text/html,application/xhtml+xml,application/xml;q=0.9,*/*;q=0.8" ["HTTP_HOST"]=> string(18) "www.hutchgo.com.hk" ["HTTP_MAX_FORWARDS"]=> string(2) "10" ["HTTP_USER_AGENT"]=> string(40) "CCBot/2.0 (https://commoncrawl.org/faq/)" ["HTTP_X_ORIGINAL_ACCEPT_ENCODING"]=> string(4) "gzip" ["HTTP_X_ORIGINAL_URL"]=> string(151) "/zh-hk/blog/6%E6%9C%88%E4%B9%8B%E5%8C%97%E6%B5%B7%E9%81%93%EF%B8%B0%E6%98%9F%E9%87%8E%E6%9C%AD%E5%B9%8C%E6%97%AD%E5%B7%9D%E5%B0%8F%E6%A8%BD/?lang=zh-tw" ["HTTP_X_FORWARDED_FOR"]=> string(18) "54.159.44.54:47022" ["HTTP_X_ARR_SSL"]=> string(136) "2048|256|C=US, O=DigiCert Inc, CN=DigiCert SHA2 Secure Server CA|C=HK, L=Hunghom, O=Hutchison Travel Limited, OU=IT, CN=*.hutchgo.com.hk" ["HTTP_X_ARR_LOG_ID"]=> string(36) "4e2488f7-332a-48ac-9917-a4c898d17a52" ["PATH"]=> string(29) "/sbin:/usr/sbin:/bin:/usr/bin" ["SERVER_SIGNATURE"]=> string(79) "
Apache/2.2.15 (Oracle) Server at www.hutchgo.com.hk Port 80
" ["SERVER_NAME"]=> string(18) "www.hutchgo.com.hk" ["SERVER_ADDR"]=> string(12) "10.128.1.138" ["SERVER_PORT"]=> string(2) "80" ["REMOTE_ADDR"]=> string(12) "10.128.1.213" ["DOCUMENT_ROOT"]=> string(22) "/html/wordpress/htdocs" ["SERVER_ADMIN"]=> string(14) "root@localhost" ["SCRIPT_FILENAME"]=> string(32) "/html/wordpress/htdocs/index.php" ["REMOTE_PORT"]=> string(5) "55888" ["REDIRECT_QUERY_STRING"]=> string(21) "lang=zh-tw&lang=zh-tw" ["REDIRECT_URL"]=> string(56) "/zh-hk/blog/6月之北海道︰星野札幌旭川小樽/" ["GATEWAY_INTERFACE"]=> string(7) "CGI/1.1" ["SERVER_PROTOCOL"]=> string(8) "HTTP/1.1" ["REQUEST_METHOD"]=> string(3) "get" ["QUERY_STRING"]=> string(21) "lang=zh-tw&lang=zh-tw" ["SCRIPT_NAME"]=> string(10) "/index.php" ["PHP_SELF"]=> string(10) "/index.php" ["REQUEST_TIME_FLOAT"]=> string(14) "1542652967.862" ["REQUEST_TIME"]=> string(10) "1542652967" }

6月之北海道︰星野~札幌~旭川~小樽

作者: simasima
9月 24, 2018
20180614_IMG_2204

Day 1 TOMAMU

香港 7:50 > 新千歲 14:00

搭左4個幾鐘機終於到左北海道新千歲機場啦,搭飛機既時間比我想像中短,只係比東京長少少,我地攞完行李之後行去搭車去市區,沿途已經見到好多好可愛既動物公仔,果陣咁岩係STEIFF FESTIVAL PLAZA,展出大型動物公仔,有北極熊、獅子、老虎等等,我諗係應番旭山動物園既特色。行出去會經過國內線,有好多手信店,我地即刻買左KINOTOYA芝士撻食,芝士味好香濃。

20180613_IMG_1939

我地第一站係去TOMAMU睇雲海,JR去到南千歲轉車,冇諗過竟然戶外係咁凍,果陣得10度左右,著住外套都唔夠暖。

Nininupuri

到左TOMAMU,搭免費接駁車去The Tower check-in 左先,已經6點幾,我地連上房都冇上就要趕去森林餐廳食放題啦。TOMAMU既環境好靚,好清新,不過就係特別凍,因為佢地勢比較高,行左十分鐘左右行到去餐廳。餐廳外面既景超靚,真係好似比一個森林包圍咁,入左夜外面都會開D綠色燈映照住D樹,更加靚。

20180613_IMG_1986

個放題都幾多野食,整體水平都唔錯,D牛肉同羊架要排隊每次拎一份,肉質好鬆軟。

水之

食完放題好飽,之後我地上房擺低D野就去左水之教堂。入到去個教堂超多人係到影相,仲有D細路係到嘈。呢到真係好清幽,雖然我唔係教徒,但如果無人既時候,我真係好想黎靜思一下。

20180613_IMG_2019

Day 2 雲海、札幌

我地凌晨3點幾就起身了,為左去睇雲海,差唔多4點已經天光。但好失望,睇個電視既雲海情況係雲中,即係應該乜都睇唔到。之後我地排隊去搭纜車上去,超多人排隊,排隊都有半個鐘先搭到纜車。從纜車俯瞰下面既景真係好靚。

上到去雲海平台就更加凍了,好似得2度左右,雖然我好采預備左件heat tech底衫,但仍然係好凍。望出去係一片白色,乜都望唔到,好傷心……唯一有少少野睇就係隱隱約約見到太陽。

20180614_IMG_2045

Restaurant Mikaku

睇完雲之後去食放題早餐,住宿係包埋早餐,唔駛另外買。

重點係個玉子燒,睇住2個廚師係到逐層蛋漿放上去煎,真係好考工夫,整一排都需要幾多時間。個玉子燒好香好好食,又軟林林,但唔食得太多,因為都幾油膩。

20180614_IMG_2064

白色戀人公園

白色戀人大家都好熟悉,原來製造呢塊美味既餅乾既地方係咁靚,係札幌必去既景點。一去到有少少失望,並唔係因為佢唔靚,而係咁靚既庭園竟然今日冇晴天,烏雲密佈,不過天公造美,好快D雲竟然散哂,超開心。淨係工廠既建築已經做得咁有心思,唔怪得白色戀人咁好食!我地入到去個公園,真係好似係歐洲咁,英倫風既建築同我係英國睇到既有得揮。仲有有一片好色彩繽紛既花田。

20180614_IMG_2204

跟住我地食左個白色戀人雪糕,第一次品嘗北海道既雪糕,牛乳濃度真係其他地方比唔到既,真係好香濃呀。食到一半,有D泡泡走出黎,播放音樂,個鐘樓同其他地方都有D公仔係到表演,好有童話feel。

行完出面個公園我地就入去個工廠,衣家唔駛比入場費,不過係因為個生產線唔知暫停定點樣所以冇得睇佢地整菓子既過程,有D可惜。裡面係好有歐洲宮殿風格既展館,有好多關於朱古力既歷史,仲有好復古既展品。裡面有間café,外面擺左好多用朱古力整既藝術品,呢個白朱古力整成既玫瑰真係超靚。

20180614_IMG_2252

紀念品店買左好多呢到限定既產品,有屋仔同個鐘樓形狀既盒裝住曲奇,我地都買左好多野食,買夠5400YEN免稅。

狸小路

我地係地鐵站落左車就求其搵左間餐廳食,叫做遊鶴,應該係專賣蕎麥面既,一人叫左一個雞肉滑蛋蕎麥面,個湯幾清香,味道唔錯。之後去狸小路行街,狸小路有好多號碼,每到既店牌都幾有特色,不過來來去去都係藥妝店、手信店同餐廳,所以行左一陣就走左。

20180614_IMG_2329

Day 3 札幌

Fruitcake Factory既水果撻同埋一盒雪印牛奶做早餐,好幸福呀,D蜜瓜真係好香甜,撻皮好香既牛油味,又好脆。北海道既牛奶就唔駛講啦,牛奶味真係好濃。

20180615_IMG_2348

円山Pancake

今日去到竟然冇人排隊,可能因為北海道未算係旺季,我地一入去就有位,不過都幾乎滿座了,呢到好似全部都係本地人,冇遊客。我地叫左一個原味同莓果Pancake,佢一個叫Angel一個叫Devil。

咁多本地人推介既,都唔係岩我口味,個Pancake係半生熟,其他人可能覺得係入口即溶好正,不過我個人有D驚生蛋,一路食都聞到D生蛋味,都係比較中意食熟D既Pancake。

20180615_IMG_2359

時計台

北海道真係好多歐式風格既建築。不過時計台做緊維修工程所以冇得入去參觀,只可以係出面望下,好采我地果陣去都仲有出面望,衣家聽講連外面都做緊工程就痴左塊時計台圖案既布係出面。

途中又有睇到雪印既專門店,好多甜品同菓子,可惜quota已經用完。

20180615_IMG_2373

北菓樓

好似係本店黎,有好多野食賣,有個限定既圖書館菓子,用一盒曲奇睇落好似一本書咁,好吸引,但我對入面既野食唔係好感興趣所以就忍住手冇買。呢到超多野可以試食,試左呢D好似係米果既野,叫開拓XXX,函館果隻味係最濃最好味既。

樓上就係Café,有大大個書櫃同一部白色既三角鋼琴,不過應該唔俾人彈,個環境真係好靚。

20180615_IMG_2399 20180615_IMG_2403

北海道廳

北海道廳內外都係好復古。發覺好多景點同地鐵車站都會有個印台俾人cup個印做紀念,不過我冇集齊哂,有D可惜。係外面又覺得自己去左歐洲一樣,好似有個庭園咁。北海道廳係以前既政府廳,衣家用黎做展覽,裡面有以前官員D office同好多有關北海道歷史既野,仲有個係到收集日本人簽名要係俄羅斯手上奪回一個島仔,但我冇留意係咩名。有個冬天既北海道廳模型都好靚。

20180615_IMG_2432

六花亭本店

雖然話機場都有齊好多手信,但本店都係比較多限定既野食,所以都係要去下六花亭本店。呢到好似都係D本地人會去既地方,得閒買少少黎食,所以會比較多散裝,而機場既就會好多一盒盒,我地梗係買散裝啦,因為平D。我地都係買左好多人推介既提子乾奶油餅同士多啤梨粒朱古力等等。

20180615_IMG_2465

ESTA

ESTA有好多層,但我地只係去左loft同附近賣衫既店,loft都係好多得意既野。B1樓就有間100 yen店CAN DO,不過好細,買左幾件日用品,真係好抵。

20180615_IMG_2470

札幌拉面共和國

晚餐我地去左9樓既Ramen Republic食拉面。個門口氣氛唔錯,有花巧既裝飾。裡面有好多間拉面店,札幌、函館、白樺等等,搞到唔知食邊間好,見到札幌拉面果間睇落D豚肉好多,就揀左呢間黎食。呢個時候都仲係5點幾,未到食飯時間,所以冇咩人。我地都叫左個好多豚肉既拉面,仲有成隻塘心蛋,真係好豐富,湯底我覺得醎左D,不過都好正,日本人都係中意重口味既湯。其實仲有一個再多D豚肉既款,不過真係太多啦,會食唔哂,香港既拉面都得果2片,真係應該學下人。食完真係大滿足呀。

水

Day 4 旭川

雪之美術館

呢到好似唔算熱門既景點,但中意歐式建築既都係要黎睇下。美術館外型好似一間教堂咁,到處都係雪花既雕刻,感覺好神聖。

呢到可以買美術館同動物園既套票,1500YEN,比分開買平20YEN。呢到好似歐式既宮殿咁,簡約而華麗。無論係門柄、吊燈定係樓梯扶手都係精心設計過,全部都係雕有雪花既圖案。

跟住再行入去就係一個冰雪既展廳,隔住玻璃可以見到好多冰既結晶,彷彿去左另一個世界咁,同時又感嘆大自然真係好神奇,可以造出咁多形態既冰,真係好靚。

20180616_IMG_2567

行完呢條短短既走廊,就去到一個大廳,有一個高台同好多座位係到。台上面有個鋼琴同南瓜車,天花版都別出心裁,好夢幻、浪漫。咁岩我地見到今日會有一對新人係呢到結婚,好采我地早黎,唔係晏d可能就冇得參觀。

20180616_IMG_2638

入面仲有d展廳,不過都冇咩特別,多數都係講雪花點樣形成同埋有咩唔同既形狀。成個館既重點應該就係呢個大廳同冰結晶走廊。仲有一個房仔係展示唔同既雪花形狀,就咁睇相好似好靚咁,其實去到望只係一d圖片,而且近睇像素係唔高,影下相就好啦。行完就沿經岩岩既路線番番出去。

20180616_IMG_2651

雪之美術館交通︰旭川中央巴士 (蘆旭線/ 深旭線) 去到高砂台入口行十分鐘左右

AEON

差唔多到食飯時間,我地番番去旭川站隔離既AEON既food court食野,順便行下超市。呢到既AEON既野食真係多過香港AEON好多,仲睇落好正。

去到food court買左一個雙拼炸雞炸魚柳忌廉汁蛋包飯,日本人真係用心,即使係food court都係即叫即整,好新鮮,D汁多到食唔哂,D炸雞同魚柳又好香脆,絕對有餐廳水準。

20180616_IMG_2692

旭山動物園

動物園應該係旭川必去既景點。第一站係企鵝館,一群可愛既企鵝係到又唔點郁唔知做緊乜,不過諗緊佢地會唔會覺得好熱,又冇雪地。由於對企鵝冇乜興趣而佢地又唔郁,好快就走左。

跟住就係去”凶殘動物”既館,亦係我比較有興趣既動物,就係老虎同獅子,第一次咁近距離見到老虎,真係體型超大,身上既紋好靚。本來隔離有獅子,但好不幸佢地前排都死左,冇哂獅子。跟住行行下有隻好似係雪豹,但睇唔清楚,佢係上面個網到懶洋洋訓左係到,我冒住俾太陽射住去抬頭影佢,結果佢都冇郁過,D毛擠哂出黎,真係好想摸下。另外有幾隻豹住埋一齊,好似係三母子/女,見個呀媽同個仔鬧交,好大聲,好似係個仔走去撩個呀媽,不過當然冇傷害到對方。

20180616_IMG_2726

最有趣既就係貓頭鷹,呢到有兩隻,白晒晒果隻應該係snow owl,真係超得意,唔知係咪係到恰眼訓緊,另外果隻仲要同望住我,好可愛呀。佢地全程係同一位到冇郁過,到我地走既時候番番去都仲係同一個位置到……

20180616_IMG_2767

跟住北極熊都係呢到既重點,不過佢地應該好辛苦,咁熱既天氣仲係戶外行來行去,見住佢地咁厚既皮毛我都覺得熱,可能熱得濟有隻北極熊走去游水,好可愛。北極熊果個活動區仲整左個透明半球,我地可以去下層展館到排隊企去申個頭去近距離望下佢地。

20180616_IMG_2822

跟住我地就去左狼既展館到,一行近就已經聽到一堆狼嚎既聲,就好似平日睇哈士奇咁,好可愛,究竟咩時候佢地會一齊咁叫呢。之後睇到一半見到有幾隻狼係毫無前兆又同有默契咁行去恰一隻狼,打哂交咁,果隻狼係到慘叫,毫無還手之力,我地幾驚佢會受傷,我都唔敢錄影,但之後又無啦啦冇再打,真係奇怪,唔知佢佢地之間有咩語言。果隻狼又好似冇受傷到咁,可能只係玩耍啦,但隻狼D叫聲又好似好慘,俾人打到七彩咁。

仲有好多動物,水豚、孔雀、浣熊等等都好值得一睇,最可惜係冇得睇獅子。行左大約3-4個鐘我地就走左。

旭山動物園交通︰旭川站搭旭川電氣軌道 旭山動物園線47號

到去市區我地去左100yen 店Seria同樓下既大型書店Maruzen行左陣,呢到間Seria都幾細,冇之前Daiso咁多款,我地買左幾件日用品。跟住沿住平和通買物公園行左一陣,基本上都係餐廳多,都有唔少鋪已經閂左門,所以都冇咩好睇。我地淨係去食左Mr. Donut食左2個donut,都幾好食,不過太多款啦,一次都食唔哂想食既。

夜晚我地就去左AEON買D熟食,去到果陣已經唔多選擇,有特價,我地買左一堆串燒同便當、飯糰,仲買左D布丁、乳酪、牛奶,串燒中左伏,竟然有個係雞皮串,好核突,我地唔識日文都冇睇到,個樣又同平時D雞串差唔多,結果就浪費左幾串冇食到。

Day 5 美瑛、富良野

朝早食左少少野做早餐同埋琴日買既布丁,個雪印布丁真係超好食,上面有白色既好似cream咁既野,好creamy香濃,下次一定要買好多杯食。

白金

落完車行幾分鐘就到,個青池其實好細,但真係好靚,好好采個天好藍,D水有好特別既顏色,係藍綠色,聽講四季都唔同色,希望下次可以冬季黎睇。望左二十分鐘左右我地又去番個巴士站等車搭去美瑛。

20180617_IMG_2980

Furano Marche

呢間店好多菓子同薰衣草既製品,我地買左個芝士蛋糕仔,都幾好食。

行左一個鐘左右就去番個站到搭薰衣草慢車號去富田農場,佢唔同平時既JR,係6-8月左右限定專門去富田農場,車廂都幾得意,一路行駛一路睇景,好涼爽。

富田農場

雖然六月富良野美瑛D花都未盛開,但勝在比起7月唔算太多人,黎到淨係得一片花田,其他都未開花,不過都好靚。

20180617_IMG_3051

上面有間Café,我地買左個幾乎黎到必食既薰衣草雪糕,粉紫色既外表真好吸引,又有好香既薰衣草味。

雖然薰衣草田未開,但都有個溫室種左少量薰衣草俾我地早黎既人望住先,都算不枉此行既,D薰衣草行近真係好香。

20180617_IMG_3109

呢到仲有D花舖,個店既裝修好靚,到處都係花,好寫意。佢有賣好多種花,我地買左D薰衣草乾花番去屋企擺。

黎左冇幾耐基本上都行哂成個農場了,又冇咩花田,坐係到等車到。我地又番番去旭川拎完行李再轉車去番札幌到住宿。係札幌我地又忍唔住再買左Fruitcake factory番去酒店食,買左蜜瓜同芒果撻,D蜜瓜真係甜到漏呀。

20180617_IMG_3143

Day 6 小樽

一起身我地搭JR去小樽,好快就到了,黎到去到小樽運河,就係有好多倉庫屋同條河,隔離有D人係到擺攤,其實個景都唔算係好靚,不過幾有復古既味道。

20180618_IMG_3190

呢到到處都係歐式建築,有一間好似係藝術館既有好多玻璃藝術品,仲有牆上掛左好多面具,好吸引,可惜唔俾影相。

20180618_IMG_3262

Letao芝士蛋糕,芝士味好香濃,但係只係細細件已經食到好漏,真係落好重料。

20180618_IMG_3230

小樽最多就係唔同用途既玻璃工藝品,有杯、筷子座、醬油瓶等等,全部都好精緻,但有D貴到痴線,最平既都差唔多一百蚊件。另外就係音樂盒,仲有好多有關古典音樂既展品,都係非賣既,有舊式唱片機,仲有個管風琴,不過唔知係咪真既,中意古典音樂既我真係睇得嘆為觀止。

20180618_IMG_3277

小樽都好細,行左半日就行到七七八八了,走之前我地去左係出拔小路既Popura Farm分店食蜜瓜雪糕。本身想去富良野本店到食,但係冇時間。結果去到果陣佢話大同中size都已經賣哂,得番細既,我地唯有買細,結果真係超細……但價錢又唔係差很好遠,細既真係超唔抵,幾啖就冇哂,D雪糕都融得好快,個人覺得D雪糕味道冇咩特別,蜜瓜都幾甜既。

20180618_IMG_3353

蝦蟹合戰

之後我地番番去札幌,食三種蟹放題,好似係帝王蟹、毛蟹、松葉蟹既,普普通通,最好既應該係帝王蟹了,隻腳最大隻最多肉,但太醎又冇乜鮮味,毛蟹又少肉又冇味,唔知點解咁多人推薦呢間野,定我味覺有問題?跟住食完第一輪我地係叫帝王蟹腳,結果佢俾既野同第一輪既差好遠,第一輪既好齊整既幾隻腳,到之後我地叫既係一D斬斷左又散收收既腳。跟住隔離咁岩又有幾個香港人,講左幾句,話呢D放題都係咁,第二輪開始俾既野就冇咁好了。之後我地食左2輪就飽左。

20180618_6c81c86d-d17b-4949-b6f4-c94e574d80d3

Day 7 由仁

上網好少見到有由仁花園既遊記,但係呢到真係好靚,又好少遊客,如果想悠閒旅遊,一定要黎呢到。

去到由仁站基本上都冇乜人,我地去左隔離既社區中心搵人問下可以點樣去,因為語言不通我地講左好耐先問到,但佢地都好耐心聽,個女職員好好人,幫我地call的士,帶我地去等的士既位,佢仲諗住陪我地等添,我地見好耐都未有,唔好意思,就叫佢快D返去啦。

一落車去就見到D歐式既小屋,穿過呢到就會去到花園。

花園真係一望無際,天氣仲好好。呢到仲有個南瓜車,好有童話feel。

20180619_IMG_3564 20180619_IMG_3487 20180619_IMG_3451 20180619_IMG_3433 20180619_IMG_3394

行左2個鐘仲左右差唔多行完,我地就去左花園裡面一間餐廳食放題lunch。個凍南瓜湯好creamy呀,仲有D菜唔知係叫咩名,係香港冇見過,好好味。一邊欣賞住窗口外花園既美景一邊食大餐,好寫意。

20180619_IMG_3577

由仁花園交通︰搭JR到由仁站,再轉的士約5分鐘 (車費︰1030YEN)

之後我地番去札幌既Ario Sapporo既Ito Yokado超市掃貨!因為係係市區最後一日,每次旅行番香港前都一定去超市掃貨先,買左好多零食同杯面番去,每次都要講,真係平過香港好多呀。仲可以見番我係香港食過但衣家搵唔番既蜜瓜曲奇,即刻買左兩包。

20180619_IMG_3590

Day 8 新千歲機場、返港

一大早就去左機場掃手信,係市區憋左咁耐就係為左係機場一次過買免稅,國內線既店真係睇得眼花繚亂。

去北菓樓買左夢不思議泡芙 ,吉士味好香濃,爆餡果下真係正。

20180620_IMG_3594

呢到有拉面道場,來自唔同地方既拉面,係札幌食左札幌拉面,今次想食清淡D,試下函館鹽味拉面。但原來鹽味拉面都唔係D好清淡,個湯真係好醎。

20180620_IMG_3605

食完掃完貨就去上機喇。

新千歲 15:00 > 香港 19:40

搭飛機果陣遇到氣流搞到隻耳同個頭超痛,番左黎香港幾日先好番。

北海道既野食同景都超正,今次8日只係去好少景點,下次期待再去離札幌遠D既地方。

以下就係我部分既戰利品,好多都好正,三方六蜜瓜味真係超好食。

20180620_IMG_3606

#寫出你遊歷 #hutchgo資助旅費1000蚊

分享博客

關於作者

要說點甚麼嗎?

You must be logged inlogged in to post a comment.