[賞櫻夢想之地 慶和站民宿] 韓櫻十日 @ 2016 (day 5_8)

作者: leung3siu
6月 22, 2016

為左多一點時間係慶和同鎮海賞櫻 , 我地係慶和站附近 book 左民宿 , 其實當中好多野可以分享

但就因為前前後後發生太多事 , 再加上太累 , 我都完全唔記得影相。

所以黎一個冇圖既經驗分享

——————————————————————

慶和站附近係冇酒店既 , 有都要一點點距離。

不過我地發現左一個 apps 可以 book 到附近既民宿

book 完之後都有 mail confirm

但個 mail 係得電話同地址。

HOTEL-360x640

而我地係韓巢 search 左地址後都覺得好奇怪 , 因為附近完全冇咩資料顯示

民宿-640x382

為左穩陣 , 我地一落機 , 係 KTX 果面既 customer centre , 請果度既姐姐幫手打電話去確認

姐姐話對方 ok , 到時再打電話比佢就得。

(冇計啦 , 我地 d sim 卡得上網冇得打電話 , 姐姐了解到我講既英文又可以用韓文同民宿溝通 , 係方便既)

———————————————————————–

一直到左日頭參觀完慶和站後 , 果度都有詢問處 (中/英文都可以) , 我又要求佢地幫手確認個地址同問下可唔可以早 d check in (因為都幾累)

點知只可以早一小時 (由3pm check in , 比我地 2pm 去 check in 囉)

好喇 , 食飽個牛骨湯就行去所謂既目的地

自己係 google 顯示既位置兜左個圈 , 完全冇頭緒

幸好 , 附近有唔少食店 , 我找了家 pizza 外賣的 , 因為他們都比較年輕。

(忘了說 , 雖然鎮海同慶和比以前都多了旅客 , 但居民們似乎都比較不會英文 , 連普通話也不會。所以很多食店 , 都只有韓文 , 會打算去的朋友要有些準備。)

好喇 , 幸好店員是年輕人 , 英文慢慢說一點點單字 , 他們也算懂。

他們明白我的要求後 , 給地址跟電話號碼他們看 , 當然他們電話裡一直韓文溝通。

之後店員就直接帶我地走一趟 , 真的好人。

那裡跟本就是民居來 , 只是沒有大閘門 , 可以直接去到房門口。(我地住 1/f , 即係地下)

而店員跟房東是一直在通話 , 叫店員直接開門。

但完全開不到 , 因為門鎖像密碼鎖 , 跟本沒有著的反應。

可是店員非常賣力地搖同撞 (我也覺得辛苦了他) , 都冇反應。

最後他們掛線了 , 說房東直接過來開門。

等十分鐘左右 , 房東來了 , 當然是完全開不到。

房東叫我們等等。

隔左幾分鐘 , 我聽到房入面有聲。

再隔左一陣 , 房東係入面開門 , 完全係嚇死我囉 (再講一次 , 間房係地下黎)。

只少開到門入到去放低 d 野 , 而房東一直試試試

其實一開始就應該知道個密碼鎖冇電囉

房東再試左十分鐘先知道呢個問題 , 叫我地係房入面等佢買電番黎。

而係佢買電既時間 , 我睇清楚間房 , 係 3 房單位。

係 , 入面係有 3 間房 , 但完全冇傢具 , 即係冇櫈冇枱 , 最重要係冇床

只係其中一間房地下有床舖 , 即係訓地下。

另外2間係吉既 , 雖然有窗花 , 但仍然有空間比房東爬入黎 , 所以我都第一時間鎖晒 d 窗先。

廁所係算正常既設備。

間屋仲有個奇怪野 , 就係有廚房 , 但就封晒塵同有蜘蛛網 , 冇雪櫃 , 有一支2L 既水係度。

隔左一陣 , 房東買左電番黎 , 再 set 好密碼 , 確保我地可以順利出入之後佢就走左。

我地除左貴重野外 , 就擺低晒其他物品 , 再出發去帝皇山。

其實門口有個櫃 , 原本想放鞋入去 , 打開後發現左入面有電囉。

應該佢地之前用完就拔左出黎放入櫃先 , 我發現時已經趕唔切同房東講。

真係笑死 , 或者呢 d 就係貪平既經歷。

但如果唔揀左間咁近 , 我諗下一日好難一早起身。

 

————— 第五日完 ————–

原文轉載自: https://wow.esdlife.com/space.php?uid=20275&do=blog&id=315608

分享博客

關於作者

要說點甚麼嗎?

You must be logged inlogged in to post a comment.