作者: kimi
4月 10, 2019

大阪,好多香港人都去到熟晒地頭,當然亦非常適合作為親子遊嘅首選。

孖女第一次去過通天閣、環球影城、海遊館、萬博紀念公園呢D大路景點,

所以今次第二次去大阪就想搵D冷門少少嘅玩下~

愛染祭

適逢愛染祭舉行期間,我地就去左湊下熱鬧,地點好近天王寺,帶住小朋友去係迫D,但尚算方便~

愛染祭亦被稱為浴衣祭,好多好靚嘅女仔會著住浴身坐住寶惠轎遊行,跟住每年選出最靚果位成為愛染娘,

其他詳細嘅資料上網一查就有,所以我就唔多講喇,

總之最後頂轎去到愛染堂都可以俾大家有機會上去坐下影下相打咭,

同埋都有不小嘅街頭小食檔&攤位遊戲玩下咁啦~

大阪城 & NHK 放送會館

上次二歲太細所以無去大阪城,今次已經四歲應該夠腳骨力行所以要行一行啦,

天守閣真係好靚,但孖女未識欣賞,只可以到此一遊食杯刨冰咁啦~

不過大阪城附近嘅NHK放送會館就岩晒食個LUNCH抖一抖兼俾孖女玩下喇~

奈良

奈良適唔適合帶小朋友去呢 ? 而家D鹿好似惡左好多 ?

好多人鍾意帶小朋友去動物園,但孖女去到動物園都唔睇動物嘅,

反而見到呢D晌身邊會行會走嘅鹿至吸引到佢地,仲搞到連D鹿都怕左佢地添…..

勝尾寺

勝尾寺交通就比較麻煩,因為巴士班次太少,MISS左一班車就要等好耐,

不過勝尾寺嘅環境真係好靚,好寧靜,空氣好清新,係舒服到唔捨得走果隻,

其實當初只係一張勁多達摩不倒翁既網上圖片吸引到我地要去呢個地方睇下,

遊客一定勁少架喇,都係見到D日本嘅老人家黎行下咁囉,

不過果度間手信舖入面既雜錦蝦餅真係好好味 !

就咁睇同出面買嘅無乜分別,但食落真係好味好多架 !

神戶動物王國

因為難波去神戶果程買阪神一日卷好平只係500YEN來回,

所以就去神戶一日遊啦,主要就揀左去神戶動物王國,

不過去到就比想像中細,但D水豚真係好可愛 !

有D水豚都幾主動嘅,有D就眼尾都唔SHOW你咁啦~

摘提子

位於近鐵「駒ヶ谷站」嘅提子園,交通黎講算幾方便,

但可能我地去早左,D提子都幾酸下…

不過孖女係好鍾意食提子嘅,咁有得即摘即食,都幾得意架

但真係好熱好熱囉……

總括黎講,親子遊係好需要休息時間嘅,

即係要留D時間俾小朋友午睡一下,叉足電去玩至唔會扭計,

例如我去七日咁計,頭尾兩日搭飛機果時就要瞓,

第三同第五日晏晝會返酒店午睡,最多午睡時我同老公輪流出去SHOPPING囉,

係要犠牲一D時間架喇,唔好諗住帶架BB車出去俾佢瞓咁就可以玩盡D,

始終帶小朋友去外遊都係想開開心心啫,無謂搞到大人細路都太辛苦啦~

#寫出你遊歷 #說走就走 #親子遊

分享博客

關於作者

要說點甚麼嗎?

You must be logged inlogged in to post a comment.