| hutchgo blog

by emma

十日由南到北玩盡葡萄牙!南部城市Lagos!

03/12/2018 in 拉哥斯, 旅遊, 葡萄牙

今次要同大家介紹南部城市Lagos! Lagos位於葡萄牙嘅南部Algarve地區,出名陽光與海灘,親親大自然,仲有海岸線及岩洞可以睇!
IMG_6961
點去?
由里斯本火車站坐巴士出發去到南部城市Lagos,需要大概四個鐘嘅時間,巴士去到南部地區會經過多個唔同嘅城市,而終點站就係Lagos! 當然大家可以選擇坐火車, 但係同其他遊客討論過都係覺得搭巴士會比較直接,因為火車唔係直達,要轉中途站,價錢時間亦都差唔多,都係20歐 。如果要坐飛機,只可以去到鄰近城市Faro, Faro 同Lagos有火車可以連接,但每日班次唔多,大概一個小時一班,所以大家通常都選擇坐巴士。當然Faro本身都有好多景點可以睇, 絕對係一個值得去嘅南部城市。

南部城市—Lagos Key Highlights!!

IG
岩洞沙灘—Benagil Caves!!!!!! 係媒體公認的「世界16大各具特色的海蝕洞景點」之一!離Lagos大約30分鐘船程。

IMG_6846
Lagos 係一個好簡單嘅沿海城市,一入到區內就會有一條運河,沿着運河向前行就會去到市中心,沿路會經過一個魚市場大家可以入去睇睇葡萄牙嘅街市同香港嘅街市有乜分別,我嘅結論係一入到去都係聞到一陣陣腥味,格局同香港都差唔多。
12
市中心食肆同商店都非常集中,市中心嘅街道充滿咗手信舖,餐廳,所以要搵嘢、食嘢、買嘢一啲都冇難度!
1
到步第一件事,首先係睇下有冇Day tour可以join, 因為去到南部大家最想睇嘅地方就係Benagil Caves!水上活動是Lagos的一大活動,大家可以選擇出海去睇洞穴、玩Kayak 、睇海豚。兩個小時嘅洞穴探索,大概需要40歐。注意:所有水上活動都好受天氣影響。我十月中去嘅時候就聽到好多朋友講所有嘅Day Tour已經連續取消咗兩三日,當地一直落雨,因為大家好好彩遇到一個幾百年都唔打一次嘅颱風!

第一日因為已經坐左四個鐘頭巴士去到南部pat pat痛到一個點,所以選擇咗喺市內走一走,睇一睇有啲咩特色小店同埋餐廳。呢度嘅紅酒真係好平,遊客係餐廳食Pizza之餘,就喺度飲紅酒好嘆!食完午餐之後,就出發去行沙灘!溫馨提醒大家着多件褸因為沿海真係比較大風。
IMG_6886

睇相都覺得好歎!大家拎住本書坐沙灘,吹海風,聽海浪。好多hostel或酒店都會出租沙灘毛巾,可以租去坐一坐沙灘或者落水玩一玩。 睇完一個沙灘我就繼續沿着大馬路向上行,沙灘一個接一個,一個靚過一個。每個沙灘都可以行落去睇睇,得意嘅係每一個沙灘其實都係連接住嘅,如果冇潮水上漲,可以由一個沙灘行到另一個沙灘,而唔需要行返上地面再落沙灘。
IMG_6920
行行吓就比我發現到經過呢個小洞穴就可以去到另一個沙灘啦!
IMG_6930

因為我去嘅時候係下午時間,水位都有啲上漲同大浪,要等浪退散再慢慢行入小洞穴。大家記住注意安全!

行到差唔多都覺得好攰係時候返屋企唞一唞,今次選擇住喺市中心嘅一間hostel,紅色外牆,非常顯眼又易搵! hostel細細間但係感覺好溫暖,係海洋主題,令人覺得非常舒服!而且有個好靚嘅天台,係大家約埋飲紅酒嘅好地方!當晚就同hostel新認識嘅一群女仔一齊飲紅酒,sangria 一杯接一杯,飲極飲唔完!飲酒當然係要傾吓計,大家分享自己之前住hostel嘅經歷。有一個加拿大女仔,分享佢之前喺愛爾蘭嘅hostel經歷,佢話佢自己住hostel住到隔離訓左個戀童癖犯,事緣係佢聽到佢隔離床位個男人同電話裏頭嘅另一個人嘅對話,電話裏頭個人話:youre world famous now, youre on the news! 聽聽下佢發現原來佢隔離嗰個係一個戀童癖嘅犯人,俾人通緝緊。之後佢立即要求調房同搵警察拉左佢,嚇死佢!大家傾下,飲下,笑笑下,咁就過咗一晚!

第2日一起身—落大雨! 個天灰之餘,我個人都好灰,原來約左出海睇benagil caves!最後成班女仔只能夠圍埋喺hostel 個廚房度一齊吹水,咩都講下,有兩個巴西女仔分享左佢哋當地嘅政局,佢話巴西做緊大選,但係啲人要選一個獨裁總統,仲恐怖過Donald Trump,真係不敢想像!如是者吹水,返房瞓覺,輪迴左幾個鐘!我哋決定出去飲杯咖啡,食件cake 繼續吹水,下午三點終於停雨啦!我決定繼續去行埋昨天未行完嘅沙灘,目標係去哂五個沙灘同燈塔。
IMG_7033

沿路一直行大概需要30分鐘,但停留時間就因人而異。我自己每去一個沙灘,大概用15至20分鐘影勁多相,所以去完五個沙灘大概都用咗最少兩三個鐘頭。
IMG_7012
注意:上落沙灘,有大量梯級!!!
IMG_7028

呢五個沙灘都係一啲遊客熱點,所以沿路就算自己一個行都唔覺得孤獨,因為有好多獨行嘅遊客同你一齊行!

IMG_7014

我三日兩夜嘅行程去到第三日,太陽就出來了!真係覺得天助我也,今次行程最想睇嘅就係呢個洞穴,如果睇唔到真係灰到不行!當日參加了早上九點半嘅Tour,總共有七個人,當中包括一名大概三個月大嘅嬰兒。真係吹到媽都唔認得呀!
IMG_7135
但我唔建議老人家同行,因為快艇以高時速行駛,對有背痛嘅老人家會係高難度挑戰。一開船快艇就直衝去Faro方向,位於Lagos西面大概30分鐘嘅船程。之後就去到Benagil Caves,當日有啲大浪,我哋只可以坐艇喺洞口前慢慢進入,好可惜睇唔到最值得打卡個洞洞!
IMG_7166

如果下次再返嚟,建議大家一定要參加kayak, 用自己嘅力量去睇洞穴!之後導遊都帶咗我哋去其他不同的洞穴,去欣賞當地嘅大自然風光。這個Tour 好值得,參與建議大家可以一去!
IMG_7227 IMG_7154 IMG_7278
快樂嘅時間過得太快,三日兩夜海灘之旅,完。
下次同大家分享北部城市—波圖!

#寫出你遊歷 #hutchgo資助旅費1000蚊

by emma

十日由南到北玩盡葡萄牙!里斯本景點一覽!

24/11/2018 in 得獎遊記, 旅遊, 葡萄牙

#寫出你遊歷 #hutchgo資助旅費1000蚊

葡萄牙一直是我旅行To-Go List 的榜首,今年終於可以起行,真係好很興奮呀!由於出發前一個月先決定,所以機票都要起碼6K 以上。格哂價之後,發現hutchgo飛open jaw 最抵 $6500,咁就踏出我去葡萄牙嘅第一步!

行程得短短十日,真心唔夠,如果想了解當地歷史文化,一星期玩一個城市就差不多!今次短Trip行程包括: 首都里斯本(Lisbon),里斯本近郊(Sintra) ,南部城市(Lagos) ,北部城市波圖(Porto) 。

第一次搭土耳其航空,都算係舒服,同埋飛機餐幾好食!哈哈,不過年紀越大,坐長途機Pat Pat痛呢種痛苦,真係揮之不去!

先同大家介紹下係里斯本嘅Key highlight!

里斯本景點主要分佈係新城(Bairro Alto) ,舊城 (Alfama) ,貝倫區(Belem) 。

里斯本景點—28號電車
去到里斯本點可以唔坐下出名嘅28號電車,電車遊走Alfama同Bairro Alto地區。基本上28號電車會經過大量嘅著名景點,如果有買Day Pass就最抵,可以隨便上落車。電車上,有好多提示提大家小心扒手,我自己就覺得幾安全,反正側邊一齊搭車嘅都係遊客。當日其實沒有特別要去嘅景點,純粹想坐電車,後來去到Baixa-Chiado站附近,聽到有人表演音樂,所以就落車欣賞!其實去到里斯本所有地方都好近,除非你要坐火車去其他城市,市內觀光甚少需要坐地鐵。

IMG_7342

去到里斯本,去到邊都可以隨時捕捉到28號電車的蹤影
IMG_7349

位於Baixa-Chiado站外的空地係途人同遊人駐足嘅熱點,經常有藝術家表演,有表演音樂、唱歌、魔術等等。當地Artist 好識同觀眾交流,會請觀眾一齊跳舞,唱情歌畀女觀眾聽(冧到暈) ,氣氛好熱鬧!

IMG_7360

里斯本景點— Alfama舊城區 (睇景一流)
Alfama舊城區係挑戰大家腳骨力的地方,但好值得!幸運的我冇跟到Google Map行,跟住當地人搭電梯,成功省左上4-5層樓嘅力氣!呵呵!唔想行可以選擇坐28號電車,但溫馨提示喜歡飲酒嘅朋友,遊走舊城區嘅時候,會遇到不少小店賣Port wine的,價錢好平,1歐一杯,一路行一路飲!以下係我去過嘅觀景台,推廌大家一去。

Miradouro das Portas do Sol
旁邊有好多餐廳,有時間絕對要坐低飲杯白酒,欣賞舊城區風光!當日仲有3大架遊輪停泊,勁過香港遊輪碼頭!

IMG_7673

Miradouro da Graça
可見到城市另一邊全景,遠望可以見到4月25日大橋。

IMG_7723

里斯本走到邊都有好多graffiti,創意無限!大家鐘意睇塗鴉藝術嘅,真係唔可以錯過!

134 124

里斯本景點— 貝倫區(Belem) 發現者紀念碑 Padrão dos Descobrimentos & Belém Tower 貝倫塔

如果遊覽貝倫區?貝倫區位於里斯本西南面,路程用走的會比較辛苦,可以去到Cais do Sodré站,坐4個站火車到Belem站,十分鐘就到。跟著河邊向北行就會見到發現者紀念碑及貝倫塔,向南行會見到著名博物館MAAT。走到MAAT上面,仲可以影到25 of Abril Bridge (4月25日大橋) 的全景!

發現者紀念碑係一個紀念 15 至 16 世紀航海時代嘅紀念碑,所在位置就係大航海時代葡萄牙人出海的地方。紀念碑上刻了很多在航海時代極具影響力的大人物,恩里克王子、伽馬(發現印度航道) 、探險家麥哲倫(第一個率領船隊環遊地球)、有航海家、旅行家、數學家、歷史學家、畫家、傳教士及皇室成員等等!紀念碑兩邊人物是不同的,總共有33位,大家可細心研究。

122

Belém Tower是聯合國文教組織認定的世界文化遺產之一,原來用來防禦港口用,所以堡壘內設有好多砲台。Belém Tower係收費入內觀看,但我去到已是黃昏時分,建議大家早點去避開人龍。
1242
睇到相都覺得當日天氣陰沉沉,點知原來當晚有個成百年來第一個在大西洋登陸葡萄牙的颶風。難怪覺得當晚的雨大得有點兇狠,但風力實則很弱。不過颶風登陸對當地都做成不少破壞,多區停電及塌樹。

仲有以下里斯本景點都係當地人推介嘅好地方,不過可惜唔夠時間!
文青集中地LX factory (聽聞有好多得意野,手工藝品賣)
153

13

百年葡撻店Pastéis de Belém (聽聞要排大半小時先買到,最憎排隊的我寧願唔買,試其他店!)
葡撻的話,我自己試左一間叫Manteigaria,都算係葡撻店數一數二的,我覺得好好食,新鮮食又熱又脆,不過對亞洲人來說,可能口味還是偏甜。
12

下次帶大家直堵南部Algarve 地區的南部城市 Lagos!享受陽光與海灘!