法國南法5天之旅,一生必去地方

作者: Ken
1月 24, 2019

#寫出你遊歷 #hutchgo資助旅費1000蚊

好開心今個夏天又黎到法國玩,上次我就去左巴黎,今次見暑假撞正薰衣草開嘅季節,就決定黎到法國南法睇薰衣草,感受下大自然嘅氣息,玩完呢四日我就會落去意大利嗰邊。要去嘅朋友仔就要注意啦,普羅旺斯薰衣草具有季節性,大約每年6至8月會開,不過而家全球暖化咁嚴重,好可能開嘅季節都會有所轉變。

今次呢個行程,我哋係會以自駕遊嘅方式去玩,如果你係唔識揸車嘅話,可能就要join翻當地嘅local tour。今次嘅行程我哋會首先由法國南部尼斯作為起點,沿住個海邊咁樣玩落去,途中會經過茨城,馬賽,艾克斯,最後我哋嘅終點就係亞維儂。

我哋首先第一日就去攞車,車你係我哋喺Asia miles嘅Avis book,因為可以儲里數,方便日後換機票去唔同地方玩,帶返個頭盔先,呢個唔係廣告嚟㗎,因為其實四日租嘅價錢都差唔多成200歐羅,不過整體來講,架車嘅性能都唔錯。

Eze美麗小鎮

埃茲係法國當地十大最美小鎮之一,佢最出名嘅就係嗰個地中海嘅全景。呢個小鎮係喺喺法國為南海岸400米高嘅山上面,介乎喺尼斯摩納哥之間,因為佢係山上面啊,所以地中海360度嘅全海景一覽無遺,而且呢度啲建築亦都好古老,係一個打卡勝地!

唔講唔知啊,呢度仲可以免費參觀Fragonard香水工廠,俾你睇吓香水係點樣整嘅,不過男士們就要小心啲啦,你女朋友隨時買返一支半支香水,咁你個荷包就大鑊啦!

如果你哋想上山頂睇仙人掌花園嘅話,咁就要比六歐羅買門票啦。而同我地一樣尤由尼斯嚟呢度嘅話,而且你又唔係自駕遊,咁你就要比錢買火車飛,而價錢就係1.5歐,由火車站行上上面嘅話過程大約半個鐘到啦。而如果你係由摩納哥出發嘅,你就可以選擇搭112號嘅巴士或者100號嘅巴士,不過最記得準時啦,因為miss左班車嘅話就要等多兩個鐘啦。

小鎮嘅海景(係山上面影嘅)

360°地中海全景

藝術家嘅工作室

曲折陡峭嘅石板小路

坎城Cannes

係埃茲玩左一晚之後,我哋就揸車嚟到坎城。大家知唔知呢度最重要嘅logo係咩?

唔講我哋係坎城做咗啲咩先,我就同大家講下佢點樣嚟呢度先啦。大家你可以坐200號嘅巴士線,價錢係平啲,淨係要一歐羅姐,但係你哋要坐差唔多成兩個鐘;如果你想快啲到嘅話,你可以坐火車TER,不過就要比六個半啊。等巴士嗰陣,我建議大家可以去一去廁所先,因為佢呢度啲巴士係冇廁所嘅。黎過歐洲嘅人都知道,呢度去廁所係要比錢嘅,但係每次淨係可以去15分鐘,15分鐘之後會發生啲咩事我都唔知㗎!

200號嘅巴士線

廁所,要比錢先入到去

黎過法國嘅都知道,好多地方都會擺咗旋轉木馬。法國嘅旋轉木馬俾人一種好復古嘅感覺,周不時都見到啲小朋友喺上邊優哉游哉咁玩緊,呢啲嘅情景係香港真係好難見。

嚟到嘅第一餐我哋去咗一間類似酒吧嘅餐廳食飯,叫咗牛扒,一杯酒仲有一個奄列,其實每一道菜嘅份量都好細,最後我哋食到7分飽,買單都成30歐羅,雖然係幾貴,但呢個環境呢個價錢,而且食物嘅質素亦都好新鮮,特別係牛扒嘅配菜,都做得好有心思,例如佢個小薯嘅調味好好,其實都幾值得。

入面有芝士同火腿

嚟到坎城,當然要去佢個博物館啦,因為博物館係唔俾影相嘅,所以入邊有啲咩展品就被你哋嚟發掘啦,主要來講係有一啲木乃伊,人頭像,同埋一啲原住民歷史嘅嘢。不過博物館到到都有,點解一定要黎坎城呢一個呢?原因好簡單,就係因為呢個博物館起係山上面,所以參觀博物館嘅同時,亦都可以飽覽晒成個砍成嘅風光面貌。個天咁藍,啲屋又好有中世紀嘅味道,啲相點影到靚啦!

係上面影嘅景!

呢條路嘅盡頭就係CASTRE博物館啦

一d藝術展品

呢度仲有一種好特別嘅觀光交通工具,就係以下呢一隻白色嘅觀光小火車。我建議大家可以搭呢隻小火車上山,一嚟可以慳返啲時間,而且行上去都幾辛苦架。

去完坎城嘅感覺就係,喺呢度退休都幾正!呢度空氣又好,風景又靚,而是以中心仲有一個沙灘添,可以隨時隨地去沙灘曬太陽,對比起其他城鎮來講,坎城嘅沙灘數量多好多,絕對適合鍾意游水或者曬太陽嘅你,呢度交沒通都好方便,去其他嘅城鎮都唔使搭好耐車!

呢度嘅海鷗完全唔驚人

一個可以比你休息同影相嘅廣場

好好彩嘅係,我仲喺呢度見識到法國人嘅國球,亦即係法式滾球,好多時你去到公園或者空地,都會見到一大班人,不論男女老幼,一齊喺度look波,就即係話佢哋玩緊依種活動啦,以前嘅你過去R下水吹,分分鐘侵埋你玩添。

馬賽

第三日終於嚟到馬賽啦,我哋去嘅第一個景點叫做舊港,呢度就好似一個harbour front咁,有好多船同埋海鷗,我哋亦都喺附近嘅咖啡廳,食咗一個all day breakfast,亦都飲咗法國人最鍾意飲嘅espresso,聽住街頭藝人唱歌,你都咪話唔chill。

如果大家都嚟呢度嘅話,記得幫襯一間叫做Amorino嘅雪糕店,真心推薦大家去食,大家可以上以下呢個網站睇下https://www.amorino.com/ 。

跟住我哋就去咗隆尚宮,英文就叫longchamp,相信各位男士女士都應該聽講過longchamp呢一個時尚品牌,唔知呢個景點同呢個品牌有冇關係呢,隆尚宮嘅設計師同我地之後要去睇嘅守護聖母教堂其實係同一個人黎嘅,入到去你會覺得好宏偉,中間有一個好大嘅噴水池,當你行上去之後呢就見到一個好大嘅公園,老實講,如果佢呢度批准俾你野餐嘅話都幾正。

大約逗留左一個鐘,我哋就出發去頭先所講嘅守護聖母聖殿到參觀,一入到去,就有一種好寧靜好和平嘅感覺,佢同馬賽教堂一樣都係用條紋黎做內部建築嘅主要元素。上到教堂嘅露台,基本上可以睇晒成個馬賽,同坎城一樣,個天都係好難,啲水都係好清,想買手信嘅人都可以喺教堂入邊嘅紀念鋪頭賣,不過就預咗俾佢拎一筆啦。好可惜我哋留喺馬賽剩係得一日,如果唔係我都會去一個叫做Calanque de sugiton ,佢係一個秘境嚟嘅,下邊就擺條link俾大家睇吓,大家如果有興趣嘅就去啦,去完都可以同我分享下係咪真係咁靚。

艾克斯

艾克斯其實唔係一個好大嘅城鎮,基本上日日就可以行晒要行嘅景點,佢係普羅旺斯嘅中心點,呢個城鎮其實早係西元前100年就已經出現,歷史好悠久,喺12至19世紀之間,佢曾經係普羅旺斯一個好重要嘅經濟政治中心,所以呢個古城都保留左好多年具有歷史價值嘅古蹟同埋建築物,呢度到處都瀰漫着古典氛圍,鍾意復古嘅你,絕對鍾意呢一個城鎮!

唔知大家識唔識畫家保羅,塞尚呢?呢度就係佢嘅故鄉啦,佢係一個後期印象派嘅重要畫家,呢度亦都保留左唔少佢嘅畫作添!唔講咁多啦,即刻去第一個景點啦,我哋首先去城入邊最氣派嘅米哈博林陰大道,艾克斯又可以叫做千泉之城,因為呢度周街都係見到噴泉,當地人仲講笑咁同我地咁講,話佢哋連呢度有幾多個行泉都唔知!米哈博林陰大道最大嘅噴泉就叫做圓停噴泉,係喺呢條大道嘅西面。呢個噴泉嘅側面有天使騎天鵝嘅雕像,最外圍就係獅子青銅雕像,而噴泉最上方就有三座大理石雕像,佢哋分別為,代表着正義嘅雕像,代表着藝術嘅雕像,同埋代表着農業嘅雕像,而且佢哋分別指着三個方向,第一個就係朝着米哈博林陰大道,第二個就係朝着亞維農,第三個就係朝着馬賽。至於其他嘅噴泉,我就唔喺度一一介紹啦,其實佢哋背後都有一段歷史,我都係比相你地睇啦,有興趣知道佢哋嘅歷史嘅,就上網慢慢探索啦。喺度行左差唔多兩個鐘,我哋都會喺呢條街度食嘢,好多餐廳咖啡店同埋精品店都會集合喺呢條大道入邊。

各種造型嘅噴泉

食完野,我哋好好彩撞正週日市集嘅開始,嚟到南法,就梗係要行下當地嘅市集,體驗一下當地人嘅生活,喺度買下啲飾品,明信片做手信都唔錯架,仲可以講價添,不過男士們就要小心啦,因為呢度買嘅鮮花真係好靚,你哋個荷包隨時要破費啦。

亞維儂

終於到咗呢個旅程嘅重點,就係睇普羅旺斯嘅薰衣草田,一開頭都同大家講咗,薰衣草開嘅季節呢,一般都係係六月中至到八月頭嘅,以向日葵嘅開花季節,就係大約係七月中,所以如果你係七月中嚟嘅話,你就有好大機會同時欣賞到薰衣草同埋向日葵!我哋今次嘅賞花路線就係大峽谷聖十字湖路線:

亞維儂(Avignon)–> 瓦倫所勒的薰衣草田(Valensole)–>陶瓷小鎮(Moustiers Saints Marie)–>聖十字湖(Lac Saint Croix)–>韋爾東大峽谷(Gorges du Verdon Lac Saint Croix)–>亞維儂(Avignon)

亞維農可以話係歐洲嘅藝術中心,呢度有好多嘅教堂, 17世紀嘅舊建築同埋好多藝文活動,如果你係七月黎嘅話,就唔可以參加佢哋嘅藝術節,可惜我今次唔係七月黎,所以都唔可以介紹俾大家聽。

峽谷入邊嘅聖十字湖,係一個可以俾你攀岩,划艇,游水同埋野餐嘅地方,可惜嘅係我哋嚟到嘅時候時間都無多啦,所以我哋就冇喺呢度玩啲水上活動,如果你係一啲鍾意刺激極限運動嘅人,咁你可以試吓係岩石上面一野跳落水,係炎炎夏日都有種清涼消暑嘅快感。聖十字湖嘅水十分之清澈,係陽光嘅反射之下仲有一種綠色嘅感覺添。

薰衣草田就唔多介紹啦,大家自己睇相啦!

最後就俾大家一啲手信嘅攻略啦,嚟到南法必買嘅產品,除咗係一啲薰衣草相關嘅產品,例如花布,番梘,乾燥花,精油等等之外,鍾意酒嘅朋友仲可以買南法酒莊出產嘅葡萄酒,而鍾意煮嘢食嘅朋友,就可以買一啲水果果醬或者香料。南法都有唔少嘅露天市場,你可以喺嗰度見到好多乾香腸、麵包、葉醃菜同埋一啲水果嘅料理。炎炎夏日嘅午後,係南法飲番杯薰衣草水果茶,欣賞着面前紫色嘅薰衣草田,呼吸着清新嘅花草香,沉浸系紫色夢幻王國入邊,普羅旺斯呢個咁靚嘅地方,一生人點都要嚟一次啦!

分享博客

關於作者

要說點甚麼嗎?

You must be logged inlogged in to post a comment.