[小豆兒看大世界]紐西蘭露營車初體驗

3月 28, 2019

2018年暑假帶住小豆一家三口到紐西蘭南部玩左10日,旅程中有7日租左露營車~

熱愛旅行嘅我地,一家三口黎到紐西蘭當然要體驗下露營車旅行嘅方便及舒適,露營車其實唔只係交通工具仲兼具埋住宿工能,廁所、廚房樣樣俱全~絕對係親子旅行嘅最佳方式,再加上紐西蘭擁有設施完善嘅露營區,紐西蘭真係自駕露營車旅客嘅天堂,若有機會一定要來試試這種悠閒又舒適嘅旅行體驗~

以露營車作為交通工具嘅好處係夠彈性,8月呢段時間係紐西蘭嘅淡季~基本上係出發前,我地只係預訂左露營車同計劃過大概行程….

—————————–

《預訂露營車》

由於淡季,價格非常合理~今次旅行租車7日6夜,價錢只係4300港幣~另外取車時,加左一個package, 內容包左保險,還車時不需入油等等(詳細內容唔記得)呢個Package紐元140元~
我地透過以下呢條 link https://www.motorhomerepublic.com/ 訂車~

車款:6 Berth Euro Deluxe

駕駛CamperVan ~所需車牌係1,2號~其實網上有人表示1號已可以,但我就無去証實過,另外亦有人稱毋須國際牌亦可租車,我亦無考究,況且已經申請左~

付責駕車嘅老公表示駕駛唔算困難~但強調不建議夜間行駕駛~

——————————-

《取車》

第一次租CamperVan~心情特別興奮~

第一夜住嘅酒店有shuttle bus車我地去租車公司~租車嘅程序唔算複雜職員亦用心解答~不過租車嘅人多,等左好耐~

手續完成後,職員就帶我地取車,並續一介紹各部份內容

————————————

《車內介紹》

呢款車可以六人住,不過個人認為會好迫,四人家庭較適合~

出發前同佢講旅行坐CamperVan, 佢都唔知咩黎~取車當日,呢個小朋友一見到就好興奮~

夜晚到達營地後,一開燈,露營車就變成家一樣~各自準備就緒~

小豆好開心,對車頂張床非常有興趣~

廚房設備齊全~我地每日都煮早餐

車後嘅枱凳變成左一張雙人床~小豆同媽媽訓得非常舒適~

8月去算係冬天尾聲,租左一部Heater都算可接受~Heater 係Package包埋的,原價租金為15紐元~

車嘅所有開關掣~行車時只能開啟雪櫃~

洗手間部份~其實對我來說非常驚訝~一部車竟然有一個唔錯嘅洗手間~唔算大,但清潔乾淨~只要預熱熱水爐15-20分鐘,就能亨用熱水,水壓算不錯~

坐廁亦乾淨,取車時,租車公司有提供六小包藥水,入落坐廁,就會將糞便變成無臭味及液體~所以全程沒有嗅味~

不過其實行程第二三日,冲涼已經響營地解決~因為更加好~稍後再分享給大家

儲物方面~車內有非常多櫃桶儲存物品,而且有安全掣,行車時不用擔心物件跌下

————————————

整體來說~我地一家都十分滿意呢架露營車,一來車本身乾淨企理~二來確實實方便,每天行程結束到達營地,一開燈就變成家一樣~不用check in, 不用搬行李,不用從新摸索~加上紐西蘭嘅營地設施有規模又安全~選擇露營車旅遊確實係一個不會後悔嘅選擇~

#寫出你遊歷#hutchgo資助旅費1000蚊

分享博客


要說點甚麼嗎?

You must be logged inlogged in to post a comment.