2016 韓櫻十日 day 2 – [極鮮甜] 首爾銅雀區原隻龍蝦海鮮鍋

作者: leung3siu
5月 20, 2016

係出發前幾日 , 係 openrice 睇到一條片 , 入面係一個海鮮鍋 , 其實而家真係冇咩特別 , 因為首爾真係愈來愈多呢類美食。

但呢個又點解吸引左我選擇呢 ? 就係入面有隻都幾大既原隻龍蝦 , 又有鮑魚 , 好多好多海鮮 , 感覺應該唔錯 , 可以冒險精神去一試。

 

呢間店名 “팔팔해물탕” , 再 check 之下 , 有其他 page 都有介紹 , 不過佢地翻譯做 “龍蝦海鮮鍋” ,點解咁懶 , 點解唔一齊 google 一下 ?

 

第一 : 팔 , 讀音 = pal , 韓國既譯音係國語讀法 , 已經類近數字 “8” 既國語讀法。

第二 : google 下數字既韓文 , 就睇到 팔 = 8

1

所以係韓巢就譯做 “八八海鮮湯” , 咁就真係合乎羅輯好多。

 

或者做飲食既平台 , 唔駛理咁多 , 介紹左先算 , 但資料錯誤 , 會令到我地去錯地方 , 入錯食店 , 白白浪費左肚皮既空間。

 

既然Check 左個名 , 當然要 check 埋地址啦 , 位置唔算偏遠係 7 號線波拉梅站 (742) 2號出口 ,直行兩個街口左右 only。但我係東大門出發 , 都要坐 40分鐘地鐵先到。

2

3

行去真係好易 , 直行見到 7 仔 , 再直行見到成間 house 既 outback

4

再望前就見到 GS25

5

繞過去後面就見到 “팔팔해물탕”。

6

 

地面既既店舖好細 , 仲要坐地下 , 不過唔駛驚 , 佢地有樓上 , 係有正常枱既 , 會有亞豬媽帶你地上去 , 不過入左門口後要換拖鞋。

 

而唔識韓文都唔緊要 , 有亞豬媽識中文 , 而4個人食一煲大既真係冇問題。

7

順帶講聲 , 係韓國食咁大型既鍋 , 真係唔好心急 , 餓乜咁搶食。

 

話說我地去到果陣 , 隔離枱有四個操不太純正既廣東話人士 (3女1男) , 個男士仲話唔識打卡而嘈來嘈去 ; 當佢地個鍋上左 , 影完晒相之後 , d 大媽就話 : 快 d 食呀 , d 乜乜食得架喇。

 

當佢地開始食時 , 我地個鍋都到左 , 而我地影完相都冇郁等 d 海鲜滾下先

8

睇下下面條片 , d 鮑魚真係會郁

https://www.facebook.com/leung3siu/videos/1691488064439533/

就係大媽係咁攪 d 龍蝦鮑魚既時候 , oppa 就埋黎幫我拆飽魚 , 剪開 d 龍蝦呀咁 , 再整到靚靚比我地影相 , 睇見隔離 d 大媽要咁狼狽自己拆咁 , 有時真係忍唔住笑。

9

好喇 , 講番個鍋入面真係好多料 , 貝類 , 蟹 , 螄蚶 , 青口呀咁 , 最特別既係一堆魚腸 , 啖湯唔似得上次食既 “泥灘上的xx” 係苦的 , 呢度真係好重蟹味。

 

咁又食食下 , oppa 又黎 , 又剪剪砌砌 , 又擺好另一個陣勢出黎 , 真係唔知點解佢地可以會砌到咁靚。

10

差不多食晒 d 海鮮之後 , 真係未完 , 可以再叫 d 麵 / 烏冬 , 再放入 d 湯度再煮 , 咁就真係夠晒完滿。

 

我地差不多食飽果陣 , 隔離枱都已經走左 , 亞豬媽係度清潔時 , 突然佢比左包野我 , 我睇一睇 , 係坐飛機時派比乘客既花生 , 咁上面就印左航空公司個名 : 澳門航空。

——————————————————— 第二日完 ———————————————————

原文轉載自: https://wow.esdlife.com/space.php?uid=20275&do=blog&id=310216

分享博客

關於作者

要說點甚麼嗎?

You must be logged inlogged in to post a comment.