走到臺灣西南部 3日2夜快閃高雄市

作者: Crystal
8月 20, 2018

大家好,今次係我第一次寫遊記呀,就寫我最近去高雄嘅trip啦!

Day 1 HKG-> KHH 10:10 -> 11:45

今次飛高雄係坐朝早10點機,去到都只係12點到,又唔洗早起身,但又唔會浪費左成日嘅行程!落機拿埋行李都差唔多成1點鐘,個肚餓到咕咕聲,拿拿臨去食野啦仲洗講。

台灣最出名係咩呀?仲洗問,梗係魯肉飯同牛肉麵啦,今次我地就黎到南豐魯肉飯呀,見呢間網上都有唔少人推薦,就一於去試下啦,佢個魯肉飯嘅魯肉好鬼大舊,仲好霖好入味,仲有,台灣食野真係好鬼死平,呢碗飯都只係NT45炸,真心好抵食呀。[交通:捷運三多商圈站,再行多10分鐘鬆啲就到啦!]

1

跟住我地就出發去我地呢個trip嘅第一個景點啦 ——打狗英國領事館文化園區。其實呢個就唔係真嘅領事館黎嘅,佢本身係英國領事的官邸,係用黎接待賓客嘅,不過就係咁比人誤認,誤打誤撞,就叫左做領事館啦。影左幾張相,行左上去上面,就見到西子灣嘅海景,真係好靚,係到吹著海風,望住個太陽,你都咪話唔chill。

2

3

夜晚我地就去左旗津食晚餐。

餐廳:萬三小吃部 + 萬二小吃部 [高雄市旗津區中洲二路]

我地食左唔少嘅海鮮小炒,例如白蝦呀,炒青龍呀等等,唔知係咪近海邊呢,我覺鬼呢度嘅海鮮都幾鮮甜惹味,一個字:正。但好可惜嘅係,我地食完都已經好夜,去到風車公園都好暗好黑,唯有放棄左呢個景點啦!

4

5

Day 2

朝早:駁二藝術特區

一早起身食左個餃子同蛋餅,就出發去左鹽埕區的藝術園區——駁二藝術特區。呢到唔係單單就咁行同影相架,其實都仲有好多藝術商店,佢地個啲裝修呀賣嘅野都好有特色架,可以去支持下佢地,畢竟而家要係香港人搵番呢啲咁嘅鋪頭真係買少見少呀唉。

6

7

晏就:壽山情人觀景台 / 高雄LOVE觀景台

今次同女神大人黎點可以唔黎壽山情人觀景台呀,想比大人話咩。周圍transit都要架啦。其實黎呢到有咩做?無架,影下相,同大人坐係到講下野,諗番以前,咁樣就半日架啦,不過講開又講啦,台灣嘅人真係好nice,搵佢地影相一定唔會推你,仲會主動問我地滿唔滿意,洗唔洗再影過呀,咁鬼熱情,唔通仲過佢影得差咩。坐係到睇埋日落我地就走左去食晚餐啦。

8

夜晚:一鷺紅 手工現作麵食館

呢間野嘅食物都係人手整架,所以味道好好,我地兩個人叫左勁多野食,啲員工仲問我地食唔食得哂,結果就⋯⋯梗係食得哂啦!我地就叫黎share食,咁就叫左紅燒牛肉麵,蒸餃,牛肉捲餅,仲有鍋貼同啲青瓜小食咁。唔講咁多,睇相啦!因為今晚太飽啦,所以我地夜晚都無再出去行夜市啦。

9 10 11

Day 3

我地今日訓晏左,所以一起身我地就無再去其他景點,醫飽個肚先就最緊要啦!我地去左牛老二牛肉麵[交通:捷運三多商圈站,再行多10分鐘鬆啲就到啦!]到食,叫左咩?仲問,牛肉麵啦梗係。

12

晏就:玉竹商圈(新崛江)

黎到呢個trip嘅尾聲啦,我地兩個人就去左行街,順便買下野比朋友同屋企人。呢到有三條街,分別係玉竹一街、玉竹二街跟玉竹三街,係到行到餓餓地又可以食下野,我推薦大家黎呀。

13

咁就番香港啦,放多日假又要番工啦唉!

KHH -> HKG 2010 -> 2130

#寫出你遊歷#hutchgo資助旅費1000蚊

分享博客

關於作者

要說點甚麼嗎?

You must be logged inlogged in to post a comment.