西九州親子遊 – 冷門路線介紹

4月 18, 2019

#寫出你遊歷 #說走就走 #親子遊

親子遊絶對會上癮的! 雖然令人又愛又恨, 但看到家人的滿足笑容, 相機滿滿的照片, 辛苦就忘記它吧!
但只要有幾日就會心思思帶埋妻兒出國, 所以今次撲到平機票就馬上出發!
西九州之旅日數唔多但有好多重點: 主題公園, 動物園, 海洋館, 摘草莓, 火車博物館, 溫泉一泊二食….等等. 最最最重要係避開人流, 所以今次不走熊本,阿蘇,別府,由布院熱門景點。

三小時的航班輕度過

豪斯登堡 (非常推薦)

旅程的第一站是位於長崎的豪斯登堡,可以從香港直飛長崎, 或者由福岡自駕(約兩小時), 是一個荷蘭主題遊樂場, 很適合帶小朋友去,人流不算多基本上都不用排隊,不同年齡的小朋友都有合適的設施,到處都係影相位, 身為爸爸就最滿意呢點. 而長老同行的話則可以賞花、看黃金博物館, 還有不定時舉行的芝士展、朱古力展, 而我地今次就撞啱有鬰金香花展啦.

一入場已經被大型吹氣設施吸左埋去, 滑梯、彈床, 兒童電動車, 長滑梯


大量VR 設施, 連璇轉木馬都可以帶住VR玩!

VR 館前面有機動警察! (童年回憶)

大膽啲既可以玩高空繩網陣,足足有300米既滑

分高中低三個難度

晚上搖身一變「光之王國」, 號稱由1300萬盞燈泡構成的炊燈光夜景, 千祈唔好Miss 左

.

我們就住豪斯登堡一橋之隔的Hotel Lorelei, 性價比極高, 最吸引的是附設有溫泉浴室,晚餐有牛扒、長腳蟹主打的自助餐!

房間大, 餐飲平

真係一橋之隔, 睇完燈飾都唔使擔心交通問題

長崎 Bio Park

交通絶對係親子遊的一大挑戰, 當然自駕是解決辦法之一。
Hotel Lorelei 樓下就有shuttle bus 去Bio Park,大約半小時車程就到. 此動物園的概念是「盡情地玩、盡情地學習、盡情地接觸」
有點類似野生動物園,但自定義為「生物公園」,著重在於打造一個體驗動物生長的野生環境, 鼓勵小朋友與動物的互動.

 

從互相觀察至主動接觸, 這大概是Bio Park 想要做到的效果了

*** Bio Park 的主角 – 水豚***

萌爆的水豚, 竟然會集體圍着火爐取暖, 仲識得浸溫泉, 任影任摸唔嬲!

參觀完Bio Park 千萬不可不去旁邊的草莓園, 嘆正宗福岡草莓!

1500YEN /45min,食到投晒降,爽!

唐津市

綿屋溫泉旅館 — 作為溫泉之鄉, 當然要找一間有歷史的旅店感受下一泊二食既魅力

我們選了 佐賀牛呼子魷魚 套餐

有露天及室內溫泉可選, 趁媽媽還在吃早餐, 偷偷帶了兒子在寒冷天氣下浸露天風呂…

海之中道

福岡市附近的海之中道水族館及公園, 是新開發的景點, 從博多站出發火車可直達


有啲似威威海洋劇場

日本各水族館咁出名, 幾乎係必到景點

近距離見識過, 小孩就會有很深很深的記憶

另一邊是公園區, 也是親子遊每日必須的放電

九州很多公園的遊樂設施都以火車為題

大受歡迎的超長滑梯 , 一日跟本玩唔晒, 連動物園都唔夠時間去行….

門司港

以火車為主題的一整天, 當爸後才明白到火車對小男孩有無比吸引力, 在月台上看着九州各式各樣的列車經過, 逐一揮手….

九州鉄道記念館, 火車發展史及舊式火車陣列當然唔可能引起小朋友興趣, 最吸引的是大型火車行駛模型 (大埔火車博物館都有類似!), 以及小火車駕駛環節:

館外更設有小火車駕駛體驗, 真係玩到唔捨得走…..

旅程眨下眼就完, 相信兒子長大後都未必會有印象, 但在父母心中卻不會忘記。

#另類鐵道遊 #一泊二食 #九州

分享博客


要說點甚麼嗎?

You must be logged inlogged in to post a comment.