花蓮五大旅遊景點

作者: manmanmandy
11月 24, 2018

自從香港無左直航去花蓮之後,就只可以飛台北再轉台鐵先去到(或者你轉內陸機都okay,但台鐵抵好多)~ 花蓮自從地震之後少左好多遊客,真係好可惜,呢個係個好靚嘅地方嚟T_T 而且地震之後回復得好快。。。少左遊客,對於我地呢D遊容嚟講當然係好事,但對於當地居民,佢地收入真係少左好多。所以大家去台北去到悶,其實可以搭兩三個鐘落嚟花蓮行下。我可以好肯定咁講,一定值回票價!

呢次去花蓮我一共stay左四日三夜,當中以下五個景點係我認為必去嘅,share比大家參考一下!

1.清水斷崖:海天一色

9

講起花蓮,唔可以唔提嘅係自然風景~ 睇下!!!

花蓮實際上平原並唔多,成個area大多係被山脈包圍,由火車站一出嚟已經見到個背景係重重山脈。花蓮東側嘅海岸線上有好多斷崖峭壁,當中最出名嘅莫過於憔清水斷崖。

10

海天一色,開車沿住蘇花公路行駛,可以見到一個個呢D斷崖,個種氣勢,你未去過絕對唔會明白。一望無際嘅海洋,綿延21公里嘅清水斷崖,嚟花蓮真係唔好錯過。

  1. 太魯閣國家公園:鬼斧神工

除左清水斷崖,更唔能夠唔提嘅係台灣東岸最大嘅太魯閣國家公園。呢個國家公園嘅特色係有好多峽谷同斷崖。

8

國家公園裡而有好多景點同打卡位,包括太魯閣峽谷、錐麓斷崖、白楊瀑布、立霧溪曲流。。。

不過由於呢度太出名,有好多旅行團嚟,國家公園裡面都逼滿哂人。

同埋呢度要小心,因為有機會會有好多落石,所以,都係帶番個頭盔先lol

  1. 七星潭

去完太魯閣番去花蓮市區,可以順面嚟埋呢度。呢個被喻為花蓮唯一嘅縣級風景區,可以比你一個同太平洋親親嘅機會。

3 2 1

呢度比起香港D沙灘真係大好多,唔知由一邊跑去另一邊要跑幾耐呢?

有好多人都疊起哂D石仔~

  1. 瑞穗牧場

11 6 5

就算無來過花蓮,都應該會喺台灣D便利店見過瑞穗牛奶啦~!我都係試過一次,真係好重奶味好好飲。唔講唔知,原來個牧場係喺花蓮~ 而且農場係開放式嘅,遊客入去係唔收入場費。

牧場裡面嘅乳牛多到數唔哂

7

除左牛,呢度仲有好多奇怪生物:o

仲可以係度即場食個tea, 飲下鮮奶、食下鮮奶饅頭等嘅食物,食完仲可以買D手信!

  1. 東大門夜市

講起台灣,第一時間想起夜市是常識吧。東大門夜市個規模好大,係由四個區組成,我幾乎晚晚都過去食野,都未試得哂D野食,真係大到好得人驚。

12

不過D野食其實同台灣其他夜市都差唔多,不過規模㗇講呢度真係勁,除左食野仲有好多攤位,等你去挑戰!!

#寫出你遊歷 #hutchgo資助旅費1000蚊

分享博客

關於作者

要說點甚麼嗎?

You must be logged inlogged in to post a comment.