鹿兒島好食之旅~* | hutchgo blog

鹿兒島好食之旅~*

作者: kimi
5月 28, 2019

好多人以為鹿兒島無乜嘢玩,所以就只會因為買左JR PASS,而諗住由最北嘅福崗搭JR到最南嘅鹿兒島咁就係最抵喇,結果只會玩一兩日有D到此一遊就算咁。

其實鹿兒島好多地方都好靚,亦好值得去睇一睇,仲有D嘢食好正㗎,雖然唔可以話係必食定人氣,但總之睇相都應該幾吸引到人想去試下㗎 !

櫻島 – 火之島會惠館

去得鹿兒島,多數都會去櫻島半日遊,因為買巴士卷搭一個圈就遊左大半個櫻島。櫻島有咩特別 ? 就係仲有個都幾活躍既火山囉,而D火山灰咁有營養,所以櫻島可以種出全世界最大嘅大根,同埋全世界最細嘅蜜柑。島細細但坐過去果隻船就超大,自駕嘅就連車都可以上埋船,同埋仲有間食店兼手信舖,食店入面必食嘅就係火之島御膳喇~真係又平又抵食呀 !

鹿兒島

我哋入櫻島果程坐呢款船,上船呢層就係泊車嘅,之後要上一層樓梯就有位坐喇~

鹿兒島

隻船超大又少人,我地包船咁滯 !

鹿兒島

真係大到……

鹿兒島

鹿兒島

入左火之島惠館門口,就即刻見到咁大棵「大根」喇 ! 大過孖女個頭….

鹿兒島

呢個就係火之島御膳,1050YEN,好味㗎,份量又多到食唔晒,唔知而家有無加價呢?

鹿兒島

怕羞嘅爸爸唔覺意上左鏡添…

鹿兒島

門口外面就種緊大根喇~

鹿兒島

鹿兒島

回程搭另一款船,一樣咁大咁靚~

鹿兒島

呢款船仲有軟墊區添~

 

南洲館 – 熊襲鍋

玩完櫻島,夜晚就去左食好出名既熊襲鍋,要預先預約,但一D都唔難,上網可以搵到好多教學。個鍋真係好大,其實就好似打邊爐咁,但有專人晌你面前煮,好似睇緊表演咁,同埋最特別我覺得係上左個酒店房入面食,不過房入面張床就搬走左嘅,我自己覺得係好食嘅,尤其是我係冬天去,食完暖笠笠,唔駛著褸落樓都唔覺唔凍呀~

鹿兒島

預約左所以房門口有我個名啦~

鹿兒島

一入到黎就見到呢鍋嘢喇~

鹿兒島

黑豚肉都係鹿兒島出名嘅~(呢度係4大2小嘅份量)

鹿兒島鹿兒島

鹿兒島

最尾係有埋麵架,其實已經好飽架喇,但都會好味都食得落架 !

鹿兒島

當然唔少得甜品啦,都係鹿兒島出名嘅白熊雪條~

 

指宿 – 唐船峽流水麵

有一日我地去左指宿,指宿最出名嘅係流水麵,雖然我地去嘅時候係冬天,但都一樣好味 !

鹿兒島

搭指宿玉手箱號時買咗個布丁食下~

鹿兒島

搭完JR至租車自駕,因為指宿交通太唔方便啦,巴士D時間好難就。

鹿兒島

鹿兒島

去到就可以自己揀位坐,買嘢食時會有個坐位表俾你睇返自己揀左邊張枱,之後就有人將食物送嚟俾你㗎喇~

鹿兒島

流水麵個餐有埋前菜同飯團嘅

鹿兒島

孖女話好好味,有暖氣所以冬天嚟食都OK㗎~

鹿兒島

左邊係室內我地食麵嘅地方,左邊就係買嘢食嘅地方~

鹿兒島

右邊係木搭嘅厠所,無異味,但係踎厠小朋友唔係好慣。

鹿兒島

夏天嚟嘅話就可以坐出面呢D露天位喇~冬天就太凍喇….

鹿兒島

夏天坐滿人氣氛應該會好正~

鹿兒島

門口仲有個魚池同一個小社舍~

鹿兒島

高千穗牧場

其實高千穗牧場係位於宮崎,但同鹿兒島都好近,所以去開霧島都可以去埋呀~嚟得牧場就點可以唔飲杯新鮮牛奶呢,而原來牧場內餐燒牛就更加不得了,係宮崎牛真係唔同D,諗起都想再去食多次 !

鹿兒島

鹿兒島

(老公又唔覺意上鏡喇)

鹿兒島

老公揀呢款貴D 5千幾YEN

鹿兒島

我呢款平D 3千幾YEN

鹿兒島

孖女就兒童餐啦~

鹿兒島

黎得牧場唔少得睇下馬牛羊咁啦~

鹿兒島

仲有車仔玩下添,同埋見到其他人會滑草同放風箏呀~

 

旅行人山莊 – 一泊二食 (晚餐)

去得霧島,當然要住下溫泉旅館。其實網上對於遊行人山莊一泊二食嘅評價唔算高,但我地係鍾意佢山上嘅野外溫泉而黎,同埋旅館嘅服務真係一流,超有禮貌又細心,我地係第一次住溫泉旅館,所以食物嚟講我地都已經覺得唔錯㗎喇,真係要第時住多幾間溫泉旅館至有得比較下喇~

鹿兒島鹿兒島

鹿兒島

大人晚餐,唔係好記得次序喇,一上菜就影吓相咁啦~

鹿兒島鹿兒島鹿兒島

 

鹿兒島

兒童餐

鹿兒島

因為之前果日係孖女生日,所以有份小小生日禮物~

鹿兒島

鹿兒島

打開之後係咁嘅

鹿兒島鹿兒島鹿兒島

鹿兒島

美食代言人咁嘅樣~

鹿兒島

呢個緊張樣更加表達到唔好同佢爭食….

鹿兒島

食飯間房好大,食完仲可以玩下跳下舞~

鹿兒島

旅行人山莊 – 早餐

鹿兒島

大人早餐

鹿兒島

兒童早餐(未齊架)

鹿兒島鹿兒島鹿兒島

鹿兒島

酒店大堂其實無咩玩,小朋友可以踩呢架唯一嘅三輪車,大人可以坐下按摩椅,或者再去大浴場,再唔係就去後園都可以浸足浴~

鹿兒島

 

鹿兒島機場 – 國內線

要回程喇,唔捨得走㗎,唯有食多個LUNCH就算啦~國際線果邊無咩嘢食,行5分鐘去國內線就多D手信舖又有多D餐廳喇~

鹿兒島

呢間多款式,我地揀左呢間~

鹿兒島

唔少得兒童餐啦~

鹿兒島

我同老公都係求其食D嘢咁,求其得嚟都OK好食㗎~

#寫出你遊歷
#說走就走 #嘆美食

分享博客

關於作者

要說點甚麼嗎?

You must be logged inlogged in to post a comment.