玻利維亞天空之鏡 天堂一般的夢幻

作者: Amazinn
4月 8, 2019

#寫出你遊歷 #hutchgo資助旅費1000蚊

天空之鏡係我一直都好想去嘅地方,終於我係上年實現左我呢個願望,咁岩有個friend同我講係呢個網站寫blog有機會有1000旅遊coupon,咁中意旅行嘅我當然唔會放過呢個機會啦,順便都可以同想去玻利維亞嘅大家介紹下行程,比大家做個參考咁。

我們從秘魯Puno入境到智利San Pedro de Atacama 出境,在玻利維亞一共逗留了6日5夜,3晚住宿於Uyuni,2晚在鹽湖3日2夜團渡過。

注意:若要見到天空之鏡的倒影,務必要12月至3月雨季時候去,其他旱季時間未必夠水睇倒影。

第一日坐06:00 的超早大巴到玻利維亞邊境Copacabana,一共九個小時的山路折磨,於中午三點終於到達首都La Paz。玻利維亞係南美洲之中最窮的國家,去到呢個城市第一個感覺係:點解呢度咁似柬埔寨的金邊? 沒石屎路,大半個城市都是沙路,塵土飛揚。

距離坐飛機時間仲有三小時,一落巴士立即去體驗全球最高跨城纜車,2014年建成,一共有3條線,纜車並不作觀光用途,而是利民措施,每程3玻幣,有不同站點及轉車點,很多本地人視為公共交通公具。在混亂的城市建了整潔有秩序的纜車,有說不出的格格不入。

原本計劃在La Paz 坐11個小時過夜巴士到Uyuni,但一路上坐了太長太長巴士,好辛苦,另外一個因素是由La Paz <-> Uyuni 之間的路面比較危險(尤其是雨季),上年11月的時候出過奪命意外,所以最後選擇了坐45分鐘的飛機,真係一個明智決定!(因為我太懶) 呢程內陸機只由Amaszonas 獨市經營,唔使問有無減價,因為一定無,單程大約港幣$1,100 左右,機上全是亞洲人。

Uyuni是一個小鎮 (唔可以用城市來形容),鎮上什麼都有,只得一樣野係無,就係一部能夠正常運作的櫃員機!!!太蠢了,去到先發現禁唔夠錢,當地有幾部Circus/Plus 櫃員機,但全部都係廢的,結果要用信用卡俾團費….蝕左唔少。

住宿方面其實只要去到先Walk in 亦沒有問題,選擇都頗多,我住那間300 玻幣一間房一晚,沒有獨立廁所。

講返正題,大家最關心的鹽湖團。鎮上有大大小小約十間左右的旅行社辦鹽湖團,但只有兩間較出名,一間叫Hodaka (日本人最多),一間叫Brisa (韓國人最多),唔好問點解,亦都唔需要問地址係邊度,去到一定會見到。日本人或韓國人,想同什麼人玩任君選擇。

一般兩間旅行社的倒影團都是以寫名形式進行,門口有報名紙可以自己寫名,唔岩心水自己加紙開團亦得。我同我朋友二人有日在Hodaka開了新團,寫上我們二人的英文名,結果是…..沒有人理會,最後要取消,看來下次要作個日本名寫上去。每團都是包車出發,每車900玻幣,7人出發的話就每人130玻幣,6人出發的話就每人150玻幣,如此類推,當然你亦可以兩個人包團!每團時間大約為5-6小時,由Uyuni 到鹽湖需時45分鐘左右,但困難是要在鹽湖找有水的地方影倒影,所以分分鐘要成個半鐘先可停下來影相。

**旅行社有水鞋借用,車上有膠椅,可以代替腳架,但千萬要小心,跌左落地下等同跌落咸水廁所,對相機說再見~

日出:

時間大約為凌晨2點至8點,但要睇到日出/星空真係好睇彩數,因為該月份是雨季,一落雨/多雲就漆黑一片,什麼也沒有。同團的日本人連續參加了三晚都睇唔到星空…..

注意:如果你無帶夠禦寒衣物的話,千萬不要參加,在遼原萬里海拔3600米的零度鹽湖中食寒風,真係會凍病。

日落:

時間大約為下午2點至7點,司機會帶你去鹽湖附近的市集買手信,又或者會帶到乾涸的鹽湖影錯體相,再去影倒影。不幸地,我那次日落團是影唔到日落的….又係太多雲了。

全日:

時間大約為早上10點至下午4點,是太陽最猛烈的時侯(不過放心唔會覺得熱)。今次終於終於俾我遇到好天氣啦!

以上三種團的行程其實大致上都一樣,只是夜晚的鹽湖,日落的鹽湖及白天的鹽湖。重點係天氣,一落雨/多雲就可以打道回府,我認為其實只需要Loop 日落團及日出星空團,中間的時間休息,用兩三日時間每個團參加兩次,就包可以睇到靚景。

三日兩夜團:

但如果你唔想走回頭路,只能夠參加3日2夜團經過鹽湖然後到達智利San Pedro de Atacama,每人玻幣800,或者坐一星期兩班的巴士去智利Calama。(我都唔係太想參加3日2夜團…但無辦法….日子撞唔中巴士期)

三日兩夜團主要係坐車坐車再坐車,景點包火山/粉紅湖/浸溫泉/睇火烈鳥/住鹽酒店,老實說是比較刻苦的,先不要說餐飲方面,有一晚無得沖涼,最後一日仲要倒塔咁早起床,凌晨4點半!但老實講是有唔少靚景的。

***若想睇倒影,千其千其唔好參加3日2夜團,皆因行程中沒有睇倒影環節,加上同行的外國人對此完全無興趣 (倒影係亞洲人的玩意…)。

分享博客

關於作者

要說點甚麼嗎?

You must be logged inlogged in to post a comment.